Ղազախստանում երկու օտարերկրացու ստամոքսում թմրանյութի գրեթե 300 տարա է հայտնաբերվել

Ակտաուի օդանավակայանում երկու օտարերկրացու ստամոքսում թմրանյութի գրեթե 300 տարա է հայտնաբերվել։ Այս մասին հայտնում է ղազախական հեռագրական գործակալությունը (KazTAG):

Ըստ Ազգային անվտանգության կոմիտեի (ԱԱԽ) մամուլի ծառայության՝ ամեն ինչ տեղի է ունեցել հունվարի 24-ին։ Օդանավակայանի շենքում բերման են ենթարկվել երկու օտարերկրացիներ և տարվել ստուգման։ Այս ուղևորների որովայնի խոռոչի ռենտգեն հետազոտությունը ցույց է տվել, որ նրանց ստամոքսում օտար առարկաներ կան։

Արդյունքում՝ օտարերկրացիներից առգրավվել է ափիոն տեսակի թմրամիջոց պարունակող 295 տարա։ Նյութերի ընդհանուր քաշը կազմել է ավելի քան 2 կգ։

Փոխադրողները ձերբակալվել են։ Գործով նախաքննություն է իրականացվում։