Մոսկվան դեմ է Հարավային Կովկասում անկարգություններ մտցնելու փորձերին. Կոպիրկին

Հարավային Կովկասը կենսական նշանակություն ունեցող տարածաշրջան է Ռուսաստանի համար, և Մոսկվայի շահերից է բխում, որ այն լինի խաղաղության և կայունության տարածաշրջան, Sputnik ռադիոյին տված հարցազրույցում ասաց ՀՀ-ում Ռուսաստանի Դաշնության արտակարգ և լիազոր դեսպան Սերգեյ Կոպիրկինը։ Մոսկվա-Երևան ռադիոկամուրջի ժամանակ դիվանագետը պատասխանել է Sputnik ռադիոյի գլխավոր խմբագիր Կիրիլ Վիշինսկու հարցերին։

«Ինչպես հասկանում եմ, նրանք Հարավային Կովկասում տեղի ունեցող դրամատիկ իրադարձությունները դիտարկում են՝ որպես Ռուսաստանի դեմ աշխատելու պատճառ և հնարավորություն։ Ցավոք, դա այդպես է, և սա ունի իր ազդեցությունը։ Սա մի գործոն է, որը պետք է հաշվի առնել։ Բայց ես հուսով եմ, որ մեզ միավորողն ավելի ուժեղ կլինի, քան մեր հարաբերություններում տարաձայնություններ առաջացնելու փորձերը, Ռուսաստանի դիրքերն ու դերը Հարավային Կովկասում խաթարելու փորձերը: Ռուսաստանի Դաշնության դիրքորոշումը լիովին պարզ է. Հարավային Կովկասը Մեզ համար կենսական տարածաշրջան է։ Ռուսաստանը ունեցել է, ունի և կունենա կարևոր դեր Հարավային Կովկասում, քանի որ մեր շահերից է բխում, որ սա լինի խաղաղության, կայունության և զարգացման տարածաշրջան: Այստեղ իրարանցում բերելու ցանկացած փորձ՝ օգտագործել տարածաշրջանը ինչ-որ մեկի պատեհապաշտ աշխարհաքաղաքական նպատակների համար, կդիմավորվի մեր խիստ հակազդեցությամբ»,- ասել է Սերգեյ Կոպիրկինը։