Բրեդ Փիթը միջոցառմանը ներկայացել է իրենից 27 տարով փոքր սիրելիի հետ (լուսանկար)

Ամերիկացի դերասան և կինոպրոդյուսեր Բրեդ Փիթը միջոցառմանը ներկայացել է իր նոր սիրելիի՝ Ինես դե Ռամոնի հետ, ով իրենից փոքր է 27 տարով։ Այս մասին հայտնում է People տաբլոիդը։

Ըստ հրատարակության՝ 60-ամյա արտիստն ու իր նոր ընկերուհին միասին են եկել Սանտա Բարբարայում կայացած Միջազգային կինոփառատոնին, որի շրջանակներում էլ Փիթը մրցանակ է հանձնել «Տարվա լավագույն դերասան» անվանակարգում հաղթած իր ընկերոջը՝ Բրեդլի Կուպերին։ 

Հաղորդվում է նաև, որ Ինես դե Ռամոնը սննդաբան է, ֆիթնես մարզիչ և ոսկերչական իրերի դիզայներ։ Նա արդեն ամուսնացած է եղել «Վամպիրի օրագրերը» սերիալի աստղ Փոլ Ուեսլիի հետ։ Տեղեկությունն այն մասին, որ նա հանդիպում է Փիթի հետ, առաջին անգամ հայտնվեց 2022 թվականին այն բանից հետո, երբ զույգին նկատեցին Բոնոյի համերգին Լոս Անջելեսում, այնուհետև «Բաբելոն» ֆիլմի պրեմիերային։