Բացատրական աշխատանքի արդյունքում թմրամիջոցը ներկայացրել են ոստիկաններին
Իրավունք
Ոստիկանության Վաղարշապատի բաժնի քրեական հետախույզները հավաստի տեղեկություններ էին ստացել, որ Հայթաղ գյուղի 48-ամյա բնակիչը տանը, օժանդակ շինություններում և տնամերձ հողամասում աճեցնում, պահում և օգտագործում է թմրամիջոց:
Ստուգման նպատակով քրեական հետախույզները մեկնեցին Հայթաղ: Բացատրական աշխատանքի արդյունքում 48-ամյա տղամարդը հայտնեց, որ ունի մարիխուանա՝ անձնական օգտագործման համար, և պատրաստ է այն ներկայացնել: Նախաձեռնված քրեական վարույթի շրջանակում կատարված զննության ժամանակ նա իրավապահներին է ներկայացրել 300 գրամ մարիխուանայի զանգվածով փաթեթ և հայտնել, որ թմրամիջոցը պատրաստել է անձնական օգտագործման համար:
Հաջորդ օպերատիվ տեղեկությունը ստուգելու նպատակով Վաղարշապատի բաժնի քրեական հետախույզները փետրվարի 6-ին եղան էջմիածինցի 32-ամյա երիտասարդի բնակության վայրում: Բացատրական աշխատանքի արդյունքում նա հայտնեց, որ ունի մարիխուանա, որը պատրաստ է ներկայացնել: Նախաձեռնված քրեական վարույթի շրջանակում կատարված զննության ժամանակ նա իրավապահներին է ներկայացրել 35,34 գրամ մարիխուանայի զանգվածով փաթեթ և հայտնել, որ թմրամիջոցը պատրաստել է անձնական օգտագործման համար:
Երկու դեպքով էլ հանգամանքները պարզվում են:
Ամենադիտված 
Մնաս բարյավ. Րաֆֆի Հովհաննիսյան
