Պենտագոնի ղեկավարը տեղափոխվել է հիվանդանոց
ԱՄՆ
Պենտագոնը հայտնել է, որ ԱՄՆ պաշտպանության նախարար Լլոյդ Օսթինը տեղափոխվել է Ուոլթեր Ռիդ ազգային ռազմական բժշկական կենտրոն՝ ակնհայտ բժշկական պատճառներով, փոխանցում են միջազգային ԶԼՄ-ները:
Պենտագոնի խոսնակ Փեթ Ռայդերը ասել է, որ Օսթինին հիվանդանոց են տեղափոխել անվտանգության աշխատակիցները, երբ նրա մոտ առաջացել են ախտանիշներ, որոնք «մատնանշում են միզապարկի հրատապ խնդիր»:
Նրա խոսքով, Օսթինի հիվանդանոց այցի մասին ծանուցվել է Սպիտակ տունը և ԱՄՆ Կոնգրեսը, ինչպես նաև պաշտպանության փոխնախարարը և ԱՄՆ ԶՈՒ ԳՇ պետերի միացյալ շտաբի նախագահը։
Ռայդերը հավելել է, որ Օսթինը ներկայումս կատարում է իր պարտականությունները։
«Մենք հնարավորինս շուտ կտեղեկացնենք Օսթինի վիճակի մասին», - ասել է խոսնակը։
Օսթինը նախկինում հոսպիտալացվել էր հունվարի 1-ին՝ դեկտեմբերի 22-ին շագանակագեղձի քաղցկեղի վիրահատությունից հետո վարակի պատճառով:
Պենտագոնի ղեկավարի հոսպիտալացումը տարաձայնություններ առաջացրեց Կապիտոլիումում, քանի որ ոչ պաշտպանության փոխնախարարը, ոչ Սպիտակ տունը այդ մասին տեղեկացված չէին։
Օսթինը նաև մինչև հունվարի 9-ը չի բացահայտել շագանակագեղձի քաղցկեղի իր ախտորոշումը:
Ամենադիտված 
Ուժգին երկրաշարժ է տեղի ունեցել Թուրքիայում. քաղաքացիները խուճապահար դուրս են վազել փողոց
