Ադրբեջանը հայտարարել է, թե «Հատուցում» գործողություն է իրականացրել

Ադրբեջանի սահմանային ծառայությունը հայտարարել է, թե իր ստորաբաժանումներն այսօր առավոտյան իրականացրել են «Հատուցում» գործողությունը։ Արդյունքում՝ հայկական զինված ուժերի դիրքը ենթարկվել է հարձակման և «ամբողջությամբ ավերվել», գրում է Kommersant-ը։

«Գործողության արդյունքում՝ Ներքին Հանդի բնակավայրի մոտ ամբողջությամբ ոչնչացվել է Հայաստանի ԶՈւ մարտական ​​դիրքը»,- ասվում է Ադրբեջանի սահմանապահ ծառայության հայտարարության մեջ:

Երեկ՝ փետրվարի 12-ին, Ադրբեջանը մեղադրանքներ է հնչեցրել ՀՀ ԶՈւ-ի վերաբերյալ։ Ադրբեջանի ԱԳՆ-ն հայտարարել է, թե վիրավորվել է Ադրբեջանի ​​սահմանային ծառայության մեկ զինծառայող։

Ինչպես հայտնի է, որ փետրվարի 13-ին՝ ժամը 05:30-ից սկսած, Ադրբեջանի ԶՈՒ ստորաբաժանումները հրաձգային զենքերից կրակ են բացել Ներքին Հանդի հատվածում տեղակայված հայկական դիրքերի ուղղությամբ, ինչի հետևանքով՝ զոհվել է 2 զինծառայող։ Կան վիրավորներ։