Վրաստանի վարչապետը մեկնել է Բաքու
Աշխարհ
Վրաստանի վարչապետ Իրակլի Կոբախիձեն իր պաշտոնում առաջին պաշտոնական այցով ժամանել է Բաքու։ Այս մասին հայտնել է Վրաստանի կառավարության մամուլի ծառայությունը։
Ըստ մամուլի ծառայության՝ Կոբախիձեին օդանավակայանում դիմավորել է Ադրբեջանի փոխվարչապետ Ալի Ախմեդովը։ Նախատեսվում է Կոբախիձեի և Ադրբեջանի նախագահ Իլհամ Ալիևի երկկողմ հանդիպում, որից հետո նրանք հանդես կգան մամուլի համար հայտարարություններով։ Նախատեսվում է նաև հանդիպում Վրաստանի վարչապետի և նրա ադրբեջանցի գործընկեր Ալի Ասադովի միջև։
Վրացական պատվիրակության կազմում Բաքու են ժամանել նաև առաջին փոխվարչապետ և էկոնոմիկայի նախարար Լևան Դավիթաշվիլին և արտգործնախարար Իլյա Դարչիաշվիլին։
Իրակլի Կոբախիձեն փետրվարի սկզբին փոխարինել է Իրակլի Ղարիբաշվիլիին Վրաստանի վարչապետի պաշտոնում։ Ղարիբաշվիլին ստանձնել է իշխող «Վրացական երազանք-Ժողովրդավարական Վրաստան» կուսակցության նախագահի պաշտոնը, որը նախկինում զբաղեցնում էր Կոբախիձեն։ Կառավարության ղեկավարի պաշտոնում Կոբախիձեն իր առաջին արտասահմանյան այցը կատարել է դեպի Բրյուսել՝ փետրվարի 20-21-ը։
ՈՒՂԻՂ ԵԹԵՐ
Ամենադիտված 
Պարոն վարչապետ, չհասկացա` Ձեր այսօրվա խոսքը ու՞մ էր ուղղված. Արամ Սարգսյան
