Ալիևը շնորհավորել է Պուտինին

Ադրբեջանի նախագահ Իլհամ Ալիևը հեռախոսազրույց է ունեցել ՌԴ նախագահ Վլադիմիր Պուտինի հետ և նրան շնորհավորել է Ռուսաստանի նախագահական ընտրություններում տարած հաղթանակի կապակցությամբ։ Այս մասին հայտնում է Ալիևի մամուլի ծառայությունը, գրում է ՏԱՍՍ-ը։

«Նախագահ Իլհամ Ալիևը շնորհավորել է Վլադիմիր Պուտինին նախագահական ընտրություններում տարած հաղթանակի կապակցությամբ և հաջողություն մաղթել նախագահական գործունեության մեջ՝ հանուն երկրի զարգացման և բարգավաճման», - ասված է հաղորդագրության մեջ։

Ըստ մամուլի ծառայության՝ զրույցի ընթացքում վստահություն է հայտնվել, որ երկու երկրների միջև դաշնակցային հարաբերությունները և ռազմավարական գործընկերությունը կշարունակեն ամրապնդվել, մտքեր են փոխանակվել համագործակցության հեռանկարների շուրջ։