Այսքան արա՞գ մոռացաք հոկտեմբերի 7-ը՝ «Հոլոքոստից» հետո հրեաների ամենասարսափելի կոտորածը. Նեթանյահու

Իսրայելի վարչապետ Բենիամին Նեթանյահուն միջազգային հանրությանը մեղադրել է «կարճ հիշողություն» ունենալու մեջ՝ 2023 թվականի հոկտեմբերի 7-ին Իսրայելի քաղաքացիների վրա ՀԱՄԱՍ-ի «դաժան հարձակումը» մոռացության մատնելու համար։ Սրանից քիչ առաջ ԱՄՆ Սենատի դեմոկրատական ​​մեծամասնության առաջնորդ Չակ Շումերը քննադատել է Իսրայելի կառավարությանը և կոչ արել երկրում նոր ընտրություններ անցկացնել, գրում է Kommersant-ը։

«Այսքան արա՞գ մոռացաք հոկտեմբերի 7-ը՝ «Հոլոքոստից» հետո հրեաների ամենասարսափելի կոտորածը: Դուք այդքան շտապեցի՞ք Իսրայելին ՀԱՄԱՍ-ի հրեշներից պաշտպանվելու իրավունքի հարցում մերժելու համար: Իսկապես այդքան արագ կորցրի՞ք ձեր խիղճը», - ասել է Նեթանյահուն CNN-ին տված հարցազրույցում:

Մեկնաբանելով Իսրայելում ընտրություններ անցկացնելու Չակ Շումերի կոչը՝ Բենիամին Նեթանյահուն ասել է, որ սենատորի խոսքերը «բոլորովին տեղին չեն»։ Իսրայելի վարչապետը կարծում է, որ երկիրը պետք է կենտրոնանա ՀԱՄԱՍ-ի ոչնչացման վրա, և «ծիծաղելի» է պատերազմական գործողությունների ժամանակ խոսել ընտրությունների մասին։