Պուտինը հանդիպել է նախագահական ընտրություններում իր մրցակիցների հետ

Ռուսաստանի ներկայիս նախագահ Վլադիմիր Պուտինը, ով հաղթել է ՌԴ նախագահական ընտրություններում, կարծում է, որ ինքն ու մյուս թեկնածուները ընդհանուր նպատակներ ունեն։ Այս մասին նա հայտարարել է Կրեմլում կայացած հանդիպմանը, փոխանցում է ՏԱՍՍ-ը։

Պուտինը նախագահական ընտրություններում իր մրցակիցներին առաջարկել է շարունակել համատեղ աշխատանքը։ ՌԴ նախագահի խոսքով՝ դա անհրաժեշտ է Ռուսաստանի զարգացման հարցում գաղափարների առաջմղման համար։

«Եվ հիմա կարևոր չէ, թե որ կուսակցությունն ինչ գաղափարներ է առաջ տանում։ Կարևոր է, որ մենք հասնենք այն խնդիրներին, որոնք մեր առջև դրել ենք», - ասել է նա։