Բայդենը շփոթել է Ֆինլանդիան և Նորվեգիան
Աշխարհ
ԱՄՆ նախագահ Ջո Բայդենը շփոթել է Ֆինլանդիան և Նորվեգիան Նևադայի Ռինո քաղաքում իր վերընտրական քարոզարշավի համար նախատեսված դրամահավաքի ելույթի ժամանակ, գրում են միջազգային ԶԼՄ-ները։
Նախագահն ասել է, որ խոսել է ԱՄՆ նախկին պետքարտուղար Հենրի Քիսինջերի հետ 2023 թվականի նոյեմբերին նրա մահից 10 օր առաջ։ «Եվ նա ասաց, որ Եվրոպան երկար ժամանակ սարսափով էր նայում Ռուսաստանին», - ասել է Բայդենը: «Նրանք նայում էին, մինչ մենք եկանք: Նա ասաց, որ մենք ուժեղացրել ենք ՆԱՏՕ-ն, ինչպես երբեք: Մենք միավորեցինք Եվրոպան, ընդլայնեցինք ՆԱՏՕ-ն և նրա սահմանները Շվեդիայի և Նորվեգիայի հաշվին: Նա ասաց, որ մենք փոխել ենք աշխարհը»,-ասել է Բայդենը:
Ֆինլանդիան և Շվեդիան 2022 թվականին ՆԱՏՕ-ին անդամակցելու հայտ են ներկայացրել միաժամանակ։ Ֆինլանդիան միացել է Հյուսիսատլանտյան դաշինքին 2023 թվականի ապրիլի 4-ին, իսկ Շվեդիան՝ 2024 թվականի մարտի 7-ին։ Նորվեգիան եղել է ՆԱՏՕ-ի հիմնադիր երկրներից մեկը և կազմակերպության անդամ է 1949 թվականից՝ նրա ստեղծման օրից:
Ամենադիտված 
Մնաս բարյավ. Րաֆֆի Հովհաննիսյան
