Որ երկրում են ցուցումներ ստացել «Կրոկուսի» ահաբեկչության մեջ մեղադրվողները. Известия

«Կրոկուս Սիթի Հոլլի» վրա հարձակմանը մասնակցած երկու ահաբեկիչները հավանաբար հրահանգներ են ստացել, երբ Թուրքիայում էին, «Իզվեստիային» հայտնել է իրազեկ աղբյուրը։ Ահաբեկչության մյուս մասնակիցները հայտնաբերվել և ձերբակալվել են Ռուսաստանի տարածքում, հավելել է նա։

Ահաբեկչությանը մասնակցելու համար ընտրվել են մարդիկ, ովքեր նախկինում հայտնի չէին, որ դավանում են արմատական ​​իսլամը, որպեսզի ռուսական հատուկ ծառայությունների համար ավելի դժվար լինի հարձակումը կանխել դրա նախապատրաստման փուլում, հայտարարել է «Իզվեստիայի» մեկ այլ՝ հակաահաբեկչական անվտանգության ոլորտում փորձագետ զրուցակից։

«Հետաքննությանը հասանելի նախնական տվյալները ցույց են տալիս, որ «Կրոկուսում» ահաբեկչության հեղինակները հանդիպել են մոտ 3-4 շաբաթ առաջ, իսկ մինչ այդ հանրային տարածքում, սոցիալական ցանցերում տեղեկատվություն չեն թողել արմատական ​​իսլամիստական ​​խմբավորումների հետ իրենց կապերի մասին։ Ամենայն հավանականությամբ, մենք գործ ունենք ահաբեկչությունն իրականացնողների պատահական ընտրության հետ՝ պայմանավորված գումարի պակասի մակարդակով և հրահանգավորված իրենց ղեկավարի կողմից»,- «Իզվեստիային» տված հարցազրույցում ընդգծել է հակաահաբեկչական անվտանգության ոլորտի մասնագետը։