Տաջիկստանի նախագահը կոչ է արել ավելի շատ ուշադրություն դարձնել երեխաների դաստիարակությանը

Տաջիկստանի նախագահ Էմոմալի Ռահմոնը Մոսկվայի մարզում տեղի ունեցած ահաբեկչությունն անվանել է ամոթալի և սարսափելի։ Այս մասին հայտնում է ՏԱՍՍ-ը։

«Մոսկվայից ոչ հեռու տեղի ունեցած ամոթալի և սարսափելի իրադարձությունը ևս մեկ անգամ զգուշացնում է մեզանից յուրաքանչյուրին, հատկապես ծնողներին, որ էլ ավելի լուրջ ուշադրություն դարձնեն երեխաների դաստիարակությանը»,- ասել է Ռահմոնը։

Երկրի ղեկավարը նաև հավելել է, որ քաղաքացիները պետք է «պաշտպանեն դեռահասներին և երիտասարդներին նման ավերիչ ու սարսափելի խմբերի ազդեցությունից»։ Նրա խոսքով՝ երեխաներին չի կարելի թույլ տալ «արատավորել տաջիկ ազգի անունը»։