Պուտինը հայտարարել է, որ միգրացիոն ոլորտում իրավիճակը շատերին է անհանգստացնում

Միգրացիոն ոլորտում տիրող իրավիճակը անհանգստացնում է Ռուսաստանի միլիոնավոր քաղաքացիների, և այն պետք է վերահսկվի։ Այս մասին ՌԴ նախագահ Վլադիմիր Պուտինը հայտարարել է ՌԴ գլխավոր դատախազության կոլեգիայի նիստում։

Պետության ղեկավարը գերատեսչությանը հանձնարարել է մտածել հանցավորության դեմ պայքարի կանխարգելիչ միջոցառումների համակարգ, այդ թվում՝ միգրացիոն ոլորտում օրենսդրության պահպանման վերաբերյալ։

«Իրավիճակն այս ոլորտում շատ կարևոր և անհանգստացնող է միլիոնավոր մարդկանց համար և պետք է վերահսկվի»,- ընդգծել է ՌԴ նախագահը։