Բախումներ թուրքերի և քրդերի միջև Բելգիայում (տեսանյութ)

Կիրակի ուշ երեկոյան Բելգիայի հյուսիսարևելյան Լիմբուրգում թուրք ազգայնականների խումբը հարձակվել է մի քանի քուրդ ընտանիքների վրա, որոնք վերադառնում էին քրդական Ամանորի (Նովրուզ) տոնակատարություններից։ Ոստիկանությունից հայտնում են, որ վեց մարդ վիրավորվել է, և մեկ անձ բերման է ենթարկվել։

Դրանից հետո Բելգիայում բախումներ են սկսվել քրդերի և թուրքերի միջև։ Հաղորդվում է, որ թուրք ազգանականները փողոցներում հարձակվել են քրդերի վրա, վնասել նրանց տները և ավտոմեքենաները։

Հաղորդվում է նաև, որ հարձակվողները ծածանել են թուրքական դրոշը և ցույց տվել «Գորշ գայլերի» ժեստը։