Ղազախստանում ջրհեղեղների պատճառով ավելի քան 10 հազար մարդ է տարհանվել

Ղազախստանում ջրհեղեղների պատճառով տարհանում են հայտարարել։ Տարհանվածների թիվը շաբաթ երեկոյան հասել է 10,5 հազարի: Ըստ Интерфакс-ի՝ դրա մասին հայտնել է երկրի  Արտակարգ իրավիճակների նախարարությանը։ Թուրքեստան, Ակտյուբինսկի, Կոստանայի, Արևմտյան Ղազախստանի, Ակմոլայի, Ուլիտաուի և Աբայի շրջաններում փրկվել և տարհանվել է 10 հազար 587 մարդ, որից 5101-ը երեխաներ են։ Ժամանակավոր կացարաններում կա 5497 մարդ:

Շաբաթ առավոտվա դրությամբ ջրհեղեղի սկզբից ի վեր տարհանվել է 7783 մարդ, 3131 մարդ ժամանակավոր կացարաններում է։

Արտակարգ իրավիճակների նախարարության տվյալներով՝ վերահսկվում է ջրի տակ անցած 29 ճանապարհ, ներառյալ՝ չորս կամուրջ։ Փրկարարական աշխատանքներում ներգրավված են ավելի քան 6 հազար մարդ և մոտ 3 հազար միավոր տեխնիկա։