Գազայում զոհերի թիվը հասել է 32,7 հազարի․ նոր տվյալներ

Գազայի հատվածում Իսրայելի ռազմական գործողության մեկնարկից ի վեր ավելի քան 32,7 հազար պաղեստինցի է զոհվել։ Նման տվյալներ է հրապարակել Պաղեստինի անկլավի առողջապահության նախարարությունը։

«2023 թվականի հոկտեմբերից Գազայի հատվածում իսրայելական ագրեսիայի հետևանքով զոհերի թիվը հասել է 32705-ի, ևս առնվազն 75190 մարդ վիրավորվել է», - ասվում է գերատեսչության հայտարարության մեջ, որը հրապարակվել է Telegram–ում։

Գազայի առողջապահության նախարարությունը հավելել է, որ «վերջին 24 ժամվա ընթացքում անկլավում զոհվել է 82 մարդ, ևս 98-ը՝ վիրավորվել»։  Մահացածներից մի քանիսի մարմինները դեռ փլատակների տակ են։