Իսրայելը հարձակվել է Գազայում գտնվող «Իսլամական ջիհադի» կենտրոնակայանի վրա

Իսրայելի պաշտպանության բանակը (IDF) հարձակվել է պաղեստինյան «Իսլամական ջիհադ» խմբավորման հրամանատարական կենտրոնի վրա։ Այս մասին հայտնում է «ՌԻԱ Նովոստի»-ն` հղում անելով Իսրայելի պաշտպանության նախարարության մամուլի ծառայությանը։

Գերատեսչության տվյալներով՝ կազմակերպության շտաբ-բնակարանը գտնվում էր Դեյր ալ Բալահի տարածքում գտնվող Ալ-Աքսա հիվանդանոցի բակում։ Դրա վրա հարձակվել է իսրայելական անօդաչու թռչող սարք։ Նշվում է, որ հարվածը եղել է ճշգրիտ՝ խաղաղ բնակիչներին չվնասելու համար, և հիվանդանոցը շարունակել է բնականոն աշխատանքը։

Մարտի 24-ին հաղորդվել էր, որ իսրայելական կործանիչները խախտել են Լիբանանի օդային տարածքը և հրթիռային հարվածներ հասցրել Բաալբեկ քաղաքի արվարձաններին։

Մարտի 19-ին սիրիական հակաօդային պաշտպանության ուժերը ոչնչացրել են իսրայելական մի քանի հրթիռներ, որոնք շարժվում էին դեպի Դամասկոս։