Պակիստանում արգելվել է պաշտոնական միջոցառումների ժամանակ կարմիր ուղեգորգ օգտագործել

Պակիստանի վարչապետ Շահբազ Շարիֆն արգելել է պաշտոնական միջոցառումների ժամանակ կարմիր գորգերի օգտագործումը։

Տեղական լրատվամիջոցները հաղորդում են, որ որոշումն ընդունվել է Պակիստանի առջև ծառացած լուրջ տնտեսական խնդիրների ֆոնին։

Կառավարությունը հայտարարություն է տարածել՝ պարզաբանելով, որ դիվանագիտական ​​միջոցառումների ժամանակ կարմիր գորգի կիրառումը սահմանափակվելու է միայն արարողակարգային նպատակներով։

Ավելի վաղ Շարիֆն ու նրա կաբինետը կամավոր որոշել էին հրաժարվել իրենց աշխատավարձից և նպաստներից։