Իսրայելի դեսպանատներն ուժեղացրել են անվտանգությունը Իրանի սպառնալիքի պատճառով

Իսլամական հեղափոխության պահապանների կորպուսի գեներալ Մոհամմադ Ռեզա Զահեդիի և նրա տեղակալ գեներալ Մոհամմադ Հադի Հաջի Ռահիմիի սպանությունից հետո ուժեղացվել են անվտանգության միջոցառումներն Իսրայելի բոլոր դեսպանատներում և դիվանագիտական ​​առաքելություններում: Այս մասին հայտնում են իսրայելական լրատվամիջոցները։

«Խնդրում ենք զգոն լինել և ավելի մեծ ուշադրություն դարձնել այն ամենին, ինչ կատարվում է ձեր շուրջը»,- այս հրահանգը տրվել է արտերկրում Իսրայելի դեսպանատներում դիվանագետներին։

Մտավախություն կա, որ Իրանը կփորձի հարձակվել արտերկրում Իսրայելի առաքելության վրա՝ որպես վրեժ Դամասկոսում գեներալների սպանության համար։