Իրանում ոստիկանական բաժանմունքների վրա հարձակված ահաբեկիչներից 16-ը սպանվել է. ԻՀՊԿ հրամանատար

Իսլամական հեղափոխության պահապանների կորպուսի ցամաքային զորքերի հրամանատարը հայտարարել է, որ Իրանի Ռասկ և Չաբահար քաղաքներում անցած գիշեր ոստիկանական բաժանմունքների վրա հարձակված ահաբեկիչներից 16-ը սպանվել է, գրում է Tasnim-ը:

Ինչպես ավելի վաղ հայտնել ենք, ահաբեկիչները հարձակվել են Իրանի հարավարևելյան Սիստան և Բելուջիստան նահանգի Ռասք և Չաբահար քաղաքների ոստիկանական բաժանմունքների վրա։ Անվտանգության երեք ուժեր սպանվել են։

Չաբահարում հարձակումը տեղի է ունեցել մոտավորապես ժամը 22:00-ին: Սպանվել կամ վիրավորվել են մի քանի հանցագործներ։ Ռասկում կանխվել է ոստիկանական բաժանմունք մուտք գործելու փորձը։

Ավելի վաղ փոխնահանգապետը հայտնել էր, որ ահաբեկիչները ծրագրել են մուտք գործել Իրանի Իսլամական հեղափոխության պահապանների կորպուսի կենտրոնակայան, սակայն դա կանխել է իրավապահների հետ փոխհրաձգությունը։

Պատասխանատվությունը ստանձնել է «Ջեյշ ալ-Ադլ» ահաբեկչական խմբավորումը։

Փոխնահանգապետն ասաց, որ ինքը կապեր ունի Իսրայելի հետ։ Իսլամիստական ​​զինյալ կազմակերպությունը հիմնականում գործում է Իրանի հարավ-արևելքում, որտեղ գտնվում է Աֆղանստանի և Պակիստանի հետ սահմանը։