Կնոջը սպառնացել են ձերբակալել՝ վերցրած գիրքը գրադարան չվերադարձնելու համար
Այլ
ԱՄՆ-ում հինգ երեխաների մորը քիչ է մնացել բանտ ուղարկեն, քանի որ գիրքը չի վերադարձրել գրադարան, գրում է Mirror-ը։
Ինչպես ասել է Քեյլի Մորգանը՝ Տեխասից, մեկ տարի առաջ նա գրադարանից վերցրել է հինգ գիրք և վերադարձրել բոլորը, բացի մեկից: Նա մոռացել էր իր դրա մասին, մինչև որ ապրիլի սկզբին գնացել է վարորդական իրավունքը երկարաձգելու։ Ոստիկանը հրաժարվել է փաստաթղթերը տալ՝ պատճառաբանելով, որ նրա անունով ձերբակալման օրդեր է տրվել։
«Ես ցնցված էի»,- հիշել է ամերիկուհին։
Բացի այդ, Քեյլին տուգանվել է 570 դոլարով գիրքն ուշ վերադարձնելու համար։ Տուգանք նշանակած դատավորն ասել է Մորգանին, որ նրա ձերբակալման հրամանը ուժի մեջ կմնա այնքան ժամանակ, քանի դեռ չի մարել պարտքը: Իսկ եթե ամերիկուհուն բռնեն մեքենա վարելիս, նրան անմիջապես կձերբակալեն։
«Երեխաներիս աչքի առաջ ինձ կձերբակալեն»,- վրդովված ասել է կինը։
Քեյլիին հաջողվել է հավաքել տուգանքը վճարելու համար անհրաժեշտ գումարը։ Այժմ նա ծրագրում է փաստաբան վարձել, որը կօգնի իրեն պայքարել ձերբակալման օրդերի դեմ և «մաքրել իր դոսյեն»:
Ամենադիտված 
Ես ուկրաինական տարածքները կտամ Ռուսաստանին՝ խաղաղության հասնելու համար. Զելենսկի
