Ջեֆ Բեզոսը գաղտնի կերպով առանձնատուն է գնել «միլիարդատերերի բունկերում»

Amazon-ի հիմնադիր Ջեֆ Բեզոսը գաղտնի կերպով գնել է իր երրորդ անշարժ գույքը այսպես կոչված՝ «միլիարդատերերի բունկերում»՝ Մայամիի Ինդիան քրիկ փակ կղզում: Այս մասին տեղեկացել է Bloomberg-ը։

Նոր անշարժ գույքը Բեզոսը գնել է 90 միլիոն դոլարով: Առանձնատունն ունի վեց ննջասենյակ և վերջին անգամ վաճառվել է 1998 թվականին 2,5 միլիոն դոլարով: Աղբյուրների համաձայն՝ գործարարը նախատեսում է բնակություն հաստատել նոր առանձնատանը, մինչ Մայամիում ընթանում է նախկինում ձեռք բերված առանձնատների վերանորոգման աշխատանքները։

Բեզոսն սկսել է տներ գնել «միլիարդատերերի բունկերում» 2023 թվականին։ Հինգ ամսվա ընթացքում նա գնել էր երկու իրար մոտ գտնվող առանձանտուն: Առաջին օբյեկտի արժեքը կազմել էր 79 մլն, իսկ երկրորդի արժեքը՝ 68 մլն դոլար։