Նյու Յորքում կայծակը հшրվածել է Ազատության արձանին (լուսանկարներ)

Նյու Յորքում հզոր կայծակը հարվածել է Ազատության արձանին։ Լուսանկարները հրապարակել է ամերիկյան New York Post թերթը։

Ինչպես երևում է լուսանկարներում, հարվածը կպել է ջահին, որը գտնվում է հուշարձանի վերին հատվածում։

Քաղաքային զբոսայգիների դեպարտամենտի մամուլի ծառայությունից հայտնել են, որ նման միջադեպեր տեղի են ունենում տարվա մեջ մի քանի անգամ։ «Շատ լավ հողակցված է՝ 4 մալուխ։ Այնպես որ, կայծակը անընդհատ հարվածում է նրան, բայց չի վնասում նրան»,- ընդգծել են գործակալության զրուցակիցները։ Միջադեպի արդյունքում՝ ոչ ոք չի տուժել։

Ըստ NYP-ի՝ ապրիլի 4-ի առավոտյան հզոր փոթորկի պատճառով՝ հազարավոր մարդիկ Նյու Յորքում, Նյու Ջերսիում և Կոնեկտիկուտում մնացել են առանց էլեկտրականության։ Քամու պոռթկումները հասել են ժամում 60 մղոնի (մոտ 96 կիլոմետր/ժամ կամ 26 մետր/վրկ):