Զուրաբյանին ոչ, Փաշինյանին այո

«Սարդարապատ» շարժման նախաձեռնող խմբի անդամ Ժիրայր Սեֆիլյանը համաձայն չէ ՀԱԿ ներկայացուցիչ Նիկոլ Փաշինյանի այն դիտարկմանը, որ հարթակը բոլորինն է, և որևէ մեկը չի կարող ասել, թե իրեն արգելվել է հարթակից ելույթ ունենալ։
Ազատության հրապարակում ընթացող քննարկման ժամանակ, որին ի թիվս այլոց, մասնակցում են նաև հիշյալ գործիչները, Սեֆիլյանն ասաց. «Հավանաբար Լևոն Զուրաբյանը լավ կհիշի, թե ինչպես են ինձ արգելել ելույթ ունենալ նույն հարթակից։ Այդ իսկ պատճառով ես Զուրաբյանին չեմ հավատում։ Քեզ հավատում եմ, բայց Զուրաբյանին՝ ոչ»,- դիմելով Փաշինյանին՝ ասաց Սեֆիլյանը։