Քորթնի Քարդաշյանի ամուսինը խայտառակել է կնոջը նրա ծննդյան օրը (լուսանկար)

Blink-182 թմբկահար Թրևիս Բարքերը շնորհավորել է իր կնոջ՝ Քորթնի Քարդաշյանի ծննդյան տարեդարձը՝ Instagram-ում հրապարակելով լուսանկարներ։

«Իմ գեղեցկուհի կնոջ ծնունդը շնորհավոր, երկրորդ կեսիս և հավերժ լավագույն ընկերուհուս: Ես սիրում եմ քեզ և մեր համատեղ կյանքը: Շնորհակալ եմ, որ ամենահրաշալի կինն ես, ում մասին կարելի է միայն երազել»,- գրել է երաժիշտը։

Բարքերի հրապարակած լուսանկարների շարքում Քարդաշյանը պատկերված է հիմնականում տնային միջավայրում. լուսանկարներից մեկում գործարար կինը որդու հետ պառկած է մահճակալին, մյուսում՝ խաչբառը ձեռքին քնած է։ Սակայն աստղի երկրպագուներն ամենաշատն ուշադրություն են դարձրել վերջին լուսանկարին, որտեղ Քարդաշյանը զուգարանում է։ Որոշ երկրպագուներ կարծում են, որ այդ լուսանկարն ավելորդ էր, բայց մեծամասնությունը գնահատել է Բարքերի հումորի զգացումը: