Իրանն Իսրայելի հետ կապված լցանավ է առգրավել․ ինչպես է դրան արձագանքել պաշտոնական Թել Ավիվը
Իրան
Իսրայելի արտգործնախարար Իսրայել Կացը մեկնաբանել է Իրանի Իսլամական հեղափոխության պահապանների կորպուսի կողմից Հորմուզի նեղուցում նավի առգրավումը։
Նախարարը «Այաթոլլահ Ալի Խամենեիի (Իրանի գերագույն առաջնորդ) ռեժիմն» անվանել է «հանցավոր» և ասել, որ Իսլամական հեղափոխության պահապանների կորպուսը «ծովահենական գործողություն է իրականացնում՝ խախտելով միջազգային իրավունքը»։
«Ես կոչ եմ անում Եվրամիությանը և ազատ աշխարհին անհապաղ հայտարարել Իրանի հեղափոխության պահապանների կորպուսը ահաբեկչական կազմակերպություն և անհապաղ պատժամիջոցներ կիրառել Իրանի դեմ»,- գրել է Կացը Twitter-ում։
Հաղորդվում է, որ լցանավը կապված է լոնդոնյան Zodiac Maritime ընկերության հետ, որը իսրայելցի գործարար Էյալ Օֆերի Zodiac Group-ի մաս է կազմում: Նավը տեղափոխվել է Իրանի տարածքային ջրեր այն բանից հետո, երբ դրա վրա հատուկջոկատայիններ են իջել:
Միացյալ Թագավորության ծովային առևտրային գործառնությունների վարչությունը (UKMTO) հաստատել է կոնտեյներային նավի առգրավման փաստը:
ՈՒՂԻՂ ԵԹԵՐ
Ամենադիտված 
Էմոցիաների տակ հայտարարություններ եմ արել, որոնց համար չեմ հպարտանում. ներողություն եմ խնդրում (տեսանյութ)
