Անհրաժեշտ է կառուցել հուշարձան` Օսմանյան զավթիչ բանակի դեմ կռվում զոհված 11.500 հայերի հիշատակին. Արմեն Այվազյան
Հասարակություն
Այսօր լրանում է Երևանի հերոսամարտի 300-ամյա տարելիցի վերջին օրը։ Այս մասին իր ֆեյսբուքյան էջում գրել է քաղաքագետ Արմեն Այվազյանը:
«Կարծում եմ, հայկական ազգային շրջանակները պետք է հեռակա կարգով ընդունեն մի որոշում, որը կիրականացվի Հայաստանում հայրենանվեր իշխանության երբևիցե հաստատվելու դեպքում։
ԱՆՀՐԱԺԵՇՏ Է ԿԱՌՈՒՑԵԼ ՄԻ ՎԵՀԱՇՈՒՔ ՀՈՒՇԱՐՁԱՆ՝ ՆՎԻՐՎԱԾ 1724 Թ. ՀՈՒՆԻՍ-ՍԵՊՏԵՄԲԵՐԻՆ ԵՐԵՎԱՆՈՒՄ՝ ՕՍՄԱՆՅԱՆ ԶԱՎԹԻՉ ԲԱՆԱԿԻ ԴԵՄ ՀԱՄԱՌ ԿՌԻՎՆԵՐՈՒՄ ՔԱՋԱԲԱՐ ԶՈՀՎԱԾ 11,500 ՀԱՅ ԱՇԽԱՐՀԱԶՈՐԱՅԻՆՆԵՐԻ ԱՆՄԱՐ ՀԻՇԱՏԱԿԻՆ։
Հուշարձանը պետք է կառուցվի գլխավոր մարտերի վայրում՝ Կոնդում կամ Ձորագյուղում, ճիշտ ընտրված բարձունքի կամ պատշաճ պատվանդանի վրա։ Հուշարձանի արձանագրության նախագիծը առաջարկում եմ կից նկարում (ձևավորումը և տառատեսակը՝ Ռուբեն Թարումյանի)։
Իսկ այն, որ գեթ մեկ պետական պաշտոնյա երբևէ չհիշեց այժմեական ռազմաքաղաքական հնչեղություն ունեցող այս մեծ պատմական իրադարձության տարելիցը, ինքնին ՀՀ ներկայիս իշխանությունների գաղափարապես ուծացածության խոսուն գնահատականն է։
Երևանի հերոսամարտի մանրամասներին կարելի է ծանոթանալ իմ վերջերս հրապարակված գրքում և այդ մասին ՖԲ էջիս զետեղված հրապարակումներում ու գրառումներում»։
ՈՒՂԻՂ ԵԹԵՐ
Ամենադիտված 
Էլիզ Մելիքյանը մայրիկի հետ լուսանկար է հրապարակել
