Անկախությունը, ինչպես և հաղթանակը տրվում է արժանիներին. ՀՀ 3-րդ նախագահ Սերժ Սարգսյանի ուղերձը Անկախության տոնի առթիվ
Հասարակություն
Անկախությունը, ինչպես և հաղթանակը տրվում է արժանիներին՝ նրանց, ովքեր այդ արժեքները պայքարով, զրկանքների գնով ձեռք բերելուց հետո գիտեն նաև պահել: Այս մասին ասվում է ՀՀ երրորդ նախագահ Սերժ Սարգսյանի ուղերձում՝ նվիրված ՀՀ անկախության օրվան:
«Անկախությունը, ինչպես և հաղթանակը տրվում է արժանիներին՝ նրանց, ովքեր այդ արժեքները պայքարով, զրկանքների գնով ձեռք բերելուց հետո գիտեն նաև պահել: Որևէ ժողովրդի համար անկախությունը, եթե գիտակցված ընտրություն և կենսական անհրաժեշտություն չէ՝ կորսվում է:
Փա՛ռք Անկախության համար իրենց կյանքը նվիրաբերած մեր բոլոր նահատակներին, որոնց հիշատակին հարգանքի տուրքը առաջին հերթին ազգովի արժանի լինելն է նրանց սխրանքին և տեր կանգնելը նրանց սրբազան գործին:
Աստված պահապան մեր Հայրենիքին և մեր ժողովրդին»:
Ամենադիտված 
Մնաս բարյավ. Րաֆֆի Հովհաննիսյան
