Խոշոր ավտովթար՝ Շիրակի մարզում. Արթիկում «KamAZ»-ը կողաշրջվել է. կա վիրավոր

Այսօր՝ սեպտեմբերի 20-ին, ավտովթար է տեղի ունեցել Շիրակի մարզում: Ժամը 14:50-ի սահմաններում Արթիկ քաղաքի Սակաձե փողոցում, դեռևս անհայտ հանգամանքներում, «KamAZ» մակնիշի ավտոմեքենան կողաշրջվել է:

Shamshyan.com-ի տեղեկություններով, վթարի հետևանքով վարորդը բժշկական հետազոտման նպատակով տեղափոխվել է «Արթիկ» բժշկական կենտրոն։

Վթարի փաստով քննչական բաժնում նախաձեռնվել է քրեական վարույթ, որտեղ էլ պարզվում է հիվանդանոց տեղափոխված վարորդի ինքնությունը: