Գրանցվել է 40 ավտովթար. զոհվել է 2, վիրավորվել՝ 63 մարդ

Ըստ ոստիկանության օպերատիվ հաղորդագրությունների ամփոփագրերի՝ սեպտեմբերի 20-ից 23-ը ՆԳՆ ոստիկանության ստորաբաժանումները բացահայտել են 193 դեպք, որոնցից 2-ը՝ նախկինում կատարված:

Ոստիկանությունից հայտնում են, որ մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու՝ 42, թմրանյութի հայտնաբերման՝ 20, անձնական ունեցվածքի գողության՝ 19, մարմնական վնասվածք պատճառելու` 18, ֆիզիկական ներգործության՝ 17, խարդախության՝ 16, հոգեկան ներգործության՝ 10, խուլիգանության՝ 6, գույքը ոչնչացնելու կամ վնասելու և թմրամիջոցների, հոգեմետ նյութերի, դրանց պատրաստուկների, համարժեք նյութերի կամ դրանց պրեկուրսորների մաքսանենգության՝ 5-ական, զենք-զինամթերքի առգրավման ու աշխատանքի պաշտպանության կանոնները խախտելու՝ 3-ական, բնակարանային գողության, թմրանյութերի իրացման, ընդերքի պահպանման և օգտագործման կանոները խախտելու և ինքնիրավչության՝ 2-ական, պաշտոնեական կեղծիքի կամ անփութության, պաշտոնատար անձի նկատմամբ բռնություն գործադրելու, վստահված գույքի հափշտակման և ռազմամթերքի հափշտակման, պետական կամ համայնքային սեփականութուն հանդիասացող հողամասերի ինքնակամ զավթման, ինչպես նաև շենքերի և շինությունների ինքնակամ կառուցումը կասեցնելու կամ անձին պատասխանատվության ենթարկելու ուղղությամբ օրենքով սահմնաված կարգով միջոցներ ձեռնարկելու, փաստաթղթեր կեղծելու, անվտանգության պահանջներին չհամապատասխանող աշխատանքների կատարման, շրջանառությունն արգելված թմրամիջոցներ, հոգեմետ խիստ ներգործող կամ թունավոր նյութեր պարունակող բույսեր ցանելու աճեցնելու, անձի տիրապտությունից դուրս եկած գույքին տիրանալու, դատական ակտի չկատարման, համակրգչային հափշտակության, պաշտոնեական լիազորությունների չարաշահման, մարդու առևանգման, պետական ունեցվածքի գողության, շորթման, պաշտոնատար անձի ծառայողական գործունեությանը միջամտելու, ապօրինի որսի ու ինքնավասման՝ 1-ական դեպք։

Նախկինում կատարված հանցագործության դեպքերից բացահայտվել է ավազակության և մարդու առևանգման 1-ական դեպք։

Հայտնաբերվել է 11 հետախուզվող, կամավոր ներկայացել՝ 6-ը։

Հայտնաբերվել է 2 անհետ կորած։

Գրանցվել է զենք-զինամթերքի կամավոր հանձնման 2 դեպք։

Անցած 3 օրվա ընթացքում հանրապետությունում արձանագրվել է ճանապարհատրանսպորտային 40 պատահար, 2 մարդ զոհվել է, 63-ը՝ ստացել տարբեր աստsիճանի մարմնական վնասվածքներ։