ԱՄՆ-ն կոչ է անում իր քաղաքացիներին անհապաղ լքել Լիբանանը

ԱՄՆ իշխանությունները կոչ են արել իրենց քաղաքացիներին անհապաղ լքել Լիբանանը՝ Իսրայելի և «Հեզբոլլահի» միջև լայնամասշտաբ պատերազմի հավանականության պատճառով, գրում է Kommersant-նը։

Միջազգային արձագանքը ցույց է տալիս, որ Իսրայելի գործողությունը համաշխարհային հանրությանը զարմացրել է ՄԱԿ-ի Գլխավոր ասամբլեայի 79-րդ նստաշրջանի նախօրեին, մինչդեռ Լիբանանի վարչապետ Նաջիբ Միքաթին ստիպված է եղել չեղարկել իր այցը Նյու Յորք։

«Իրավիճակի վերջին վերլուծության մեջ Բայդենի վարչակազմը եկել է այն եզրակացության, որ երկու կողմերի համար էլ դժվար կլինի դեէսկալացիան», - նշում է Politico-ն՝ վկայակոչելով երկու բարձրաստիճան ամերիկացի պաշտոնյաների: Վաշինգտոնն ակնկալում է Իսրայելի նոր հարվածներ Լիբանանի մայրաքաղաք Բեյրութին, «Հեզբոլլահի» հրամանատարների նոր սպանություններ, հարձակումներ նրա զենքի պահեստների, կապի ենթակառուցվածքի վրա, ինչպես նաև «Հեզբոլլահի» պատասխան հարվածների՝ հրթիռների և անօդաչու սարքերի միջոցով:

«Հակամարտության անկանխատեսելի բնույթի պատճառով՝ ԱՄՆ դեսպանատունը խրախուսում է ամերիկացի քաղաքացիներին լքել Լիբանանը, քանի դեռ առկա են կոմերցիոն թռիչքներ», - ասվում է ԱՄՆ Պետդեպարտամենտի հայտարարության մեջ:

«ԱՄՆ դեսպանատունը կարող է չկարողանալ օգնել իր քաղաքացիներին, ովքեր որոշել են մնալ երկրում», - ավելացրել է դիվանագիտական ​​գերատեսչությունը: