Ռուս-հայկական դաշնակցային հարաբերությունների զարգացումը համապատասխանում է մեր ժողովուրդների հիմնարար շահերին․ Պուտինը շնորհավորել է Փաշինյանին

Ռուսաստանի Դաշնության նախագահ Վլադիմիր Պուտինը ՀՀ Անկախության տարեդարձի առթիվ շնորհավորական ուղերձով դիմել է վարչապետ Նիկոլ Փաշինյանին։ 

«Հարգելի Նիկոլ Վովայի,

Ընդունեք շնորհավորանքներս Հայաստանի Հանրապետության Անկախության տոնի առթիվ։

Ռուս-հայկական բարեկամական, դաշնակցային հարաբերությունների հետագա զարգացումը, ինչպես նաև ընդհանուր ինտեգրացիոն միավորումների շրջանակներում կառուցողական փոխգործակցությունը, անկասկած, համապատասխանում են մեր ժողովուրդների հիմնարար շահերին։

Մաղթում եմ Ձեզ առողջություն և հաջողություններ, իսկ Հայաստանի բոլոր քաղաքացիներին՝ երջանկություն և բարեկեցություն»,-ասվում է ուղերձում։