Այսուհետ կգործի կառուցապատման թույլտվությունների համար դիմողներին աջակցելու մի քանի տարբերակ

Քաղաքաշինության կոմիտեն իրազեկում է, որ այսուհետ կգործի urban.e-gov.am հարթակով կառուցապատման թույլտվությունների համար դիմողներին աջակցելու մի քանի տարբերակ։ Յուրաքանչյուր աշխատանքային օր՝ երկուշաբթի-ուրբաթ՝ ժամը 16։00-18։00-ը, խորհրդատվական հանդիպումներ կկազմակերպվեն VX Sof» ընկերության համակարգիչներով հագեցած գրասենյակում (հասցե՝ Մարշալ Բաղրամյան պողոտա 24/6, 3-րդ հարկ (Գիտությունների ազգային ակադեմիայի հիմնարար գրադարանի շենք)): Մասնակցելու համար անհրաժեշտ է նախապես գրանցվել urban.e-gov.am հարթակի «Առցանց հերթագրումներ» դաշտում ստեղծված բաժնում (https://urban.e-gov.am/hy/service/permits_online_booking/info)։

Բացի այդ, հնարավոր կլինի ստանալ խորհրդատվություն նաև հեռավար եղանակով։ Այդ նպատակով urban.e-gov.am հարթակի «Առցանց հերթագրումներ» բաժնում ստեղծվել է «Տեսազանգով կառուցապատման թույլտվությունների հարցերով տեխնիկական խորհրդատվության տրամադրում» դաշտը (https://urban.e-gov.am/hy/service/zoom_calls/info), որի միջոցով անհրաժեշտ է ամրագրել տեսազանգ՝ ըստ ժամանակացույցի, ապա էլեկտրոնային փոստին եկած հղումով ստանալ առցանց խորհրդատվություն։

Քաղաքաշինության կոմիտեի և VX Soft ընկերության մասնագետները կաջակցեն քաղաքացիներին ևhttps://urban.e-gov.am/hy/service/zoom_calls/info իրավաբանական անձանց թվային հարթակից օգտվելիս, կլուծեն տեխնիկական խնդիրները, կպատասխանեն գործընթացների վերաբերյալ հարցերին։

Երրորդ տարբերակը հեռախոսազանգերի սպասարկումն է։ Տեխնիկական հարցերի դեպքում անհրաժեշտ է զանգահարել 0-8000-2020 և 010 58 59-80 հեռախոսահամարներով, անհրաժեշտության դեպքում՝ թողնել ձայնային հաղորդագրություն, իսկ բովանդակային հարցերով զանգահարել 011-621-818 հեռախոսահամարներով։

Հավելենք, որ գործընթացների վերաբերյալ հարցերով կարող են աջակցել նաև համայնքապետարանների համապատասխան աշխատակիցները, որոնք անցել են վերապատրաստում։ 

Քաղաքաշինության կոմիտեից հիշեցնում են, որ օգոստոսի 1-ից Կոտայքի, Լոռու, Արարատի, Արմավիրի մարզերում կառուցապատման թույլտվությունների ստացմանն առնչվող ողջ գործընթացը պետք է իրականացվի բացառապես էլեկտրոնային եղանակով՝ քաղաքաշինության ոլորտի թվային ծառայությունների urban.e-gov.am հարթակում։

Այս թեմայով Դասագրքերի հրատարակման մրցույթ՝ 5-րդ, 7-րդ, 10-րդ դասարանների համար «Նիկոլն իր իշխանությունը պահելու համար մահապարտ է». Զոհրաբյան (տեսանյութ) «Նիկոլն իր իշխանությունը պահելու համար մահապարտ է». Զոհրաբյան (տեսանյութ) «Նիկոլն իր իշխանությունը պահելու համար մահապարտ է». Զոհրաբյան (տեսանյութ) Իրանը Իսրայելի իշխանությունների համար կանխատեսել է Սադամ Հուսեյնի ճակատագիրը