ՀՀ ՔԿ-ն և Հայ-ռուսական համալսարանը ստորագրել են գիտության և կրթության ոլորտում համագործակցության հուշագիր

Համագործակցության հուշագիրը ստորագրել են ՀՌՀ ռեկտոր, ՀՀ և ՌԴ տնտեսագիտության դոկտոր, պրոֆեսոր Էդվարդ Սանդոյանը և ՀՀ քննչական կոմիտեի նախագահ Արգիշտի Քյարամյանը: 

Հաշվի առնելով քրեադատավարական օրենսդրության և իրավակիրառ պրակտիկայի համալիր գիտական և գործնական մարտահրավերները, կրթական համակարգի շարունակական բարելավման և զարգացման անհրաժեշտությունը, կարևորելով ուսանողների մասնագիտական որակավորման բարձրացման նպատակով տեսական ու գործնական գիտելիքներն ամրապնդելու և իրավակիրառ պրակտիկային հաղորդակցվելու դերը, գնահատելով համալսարանի իրավաբանական գիտությունների հանգույցում ձևավորված գիտակրթական ներուժը՝ Հայ-ռուսական համալսարանը և ՀՀ Քննչական կոմիտեն ստորագրեցին համագործակցության վերաբերյալ Հուշագիր:

Հուշագիրը լայն հնարավորություններ կստեղծի կրթական ծրագրերի կատարելագործման և ուսանողների կարիերիայի արդյունավետ պլանավորման գործում ձևավորել համագործակցության առավել արդյունավետ ձևաչափ: Կողմերի համագործակցության շրջանակներում երկուստեք կկազմակերպվեն և կիրականացվեն թեմատիկ տարբեր բովանդակությամբ գործնական քննարկումներ, փորձի փոխանակման նպատակով հանդիպումներ ոլորտի մասնագետների հետ, գիտաժողովներ` ՀՀ ներպետական և միջազգային իրավական հիմնախնդիրների վերաբերյալ, ինչպես նաև կանցկացվեն ուսումնական ծրագրերով նախատեսված պրակտիկաներ և վերապատրաստումներ:

Այս թեմայով Կադրային փոխատեղում՝ ՀՀ քննչական կոմիտեում Արարատում բնակարանային գողության դեպքը բացահայտվեց. 15-ամյա աղջիկը ներկայացվեց քննչական բաժին Ափսոս էն ճանապարհը, որ քեզ հետ եմ անցել. Քննչական կոմիտեում աղմկահարույց պաշտոնանկություններ կլինեն Երեւանի քաղաքապետարանի և Տաշքենդի ընկերության միջև ստորագրվել է համագործակցության հուշագիր Երեւանի քաղաքապետարանի և Տաշքենդի ընկերության միջև ստորագրվել է համագործակցության հուշագիր