Աբու Դաբիում տեղի կունենա Michelin Guide երկրորդ խոհարարական փառատոնը

Michelin Guide-ը նախատեսում է սկսել երկրորդ խոհարարական փառատոնը սեպտեմբերի 22-ից 24-ը՝ Աբու Դաբիի Emirates Palace Mandarin Oriental-ում։ Այս երկար սպասված միջոցառումը կներկայացնի տեղի եւ միջազգային շեֆ-խոհարարների՝ 20 ռեստորաններից, որոնց երաշխավորել է Michelin Guide-ը, որոնք կառաջարկեն բացառիկ կերակրատեսակների լայն ընտրանի եւ խոհարարական տպավորություններ, գրել է Vogue Arabia-ն։

Michelin Guide փառատոնը հիմնվում է անցած տարվա միջոցառման հաջողության վրա՝ խոստանալով տեղի եւ համաշխարհային խոհանոցային վարպետության անմոռանալի տոն։ Experience Abu Dhabi-ի հետ համատեղ կազմակերպված փառատոնը հյուրերին կուղարկի խոհարարական ճամփորդության եւ կցուցադրի քաղաքի հարուստ խոհարարական մշակույթը, որը համադրում է ժամանակակից եւ ավանդական համերը։ Կմասնակցեն շեֆ-խոհարարներ ամբողջ աշխարհից, ինչպես նաեւ Աբու Դաբիի լավագույն խոհարարական հաստատությունների ներկայացուցիչները։

«Աբու Դաբին շարունակում է ներկայանալ որպես ոգեշնչող վայր խոհարարական կատարելության համար»,- նշել է Միշլենի ուղեկցորդների միջազգային տնօրեն Գվենդալ Պուլենեկը։ «Մենք ոգեւորված ենք, քանի որ այս տարի խոհարարական փորձը կբարձրացնենք նոր մակարդակի մի վայրում, որը մարմնավորում է Աբու Դաբիի մշակութային հարստությունը»։

Փառատոնի հիմնական պահերից են հատուկ ընտրված կերակրացանկերը, ինտերակտիվ մաստեր-կլասները եւ աշխույժ առեւտրային հարթակը տեղի արտադրողների հետ։ Հյուրերը հնարավորություն կունենան ծանոթանալու տաղանդավոր շեֆ-խոհարարների հետ, մասնակցելու երեք բացառիկ մաստեր-կլասներին եւ վայելելու յուրատեսակ գաստրոնոմիական տպավորությունները, ինչպիսին է Michelin Stars Table-ը։

Անկախ այն բանից՝ արդյոք տեղի բնակիչ եք, թե հյուր, այն հաստատ կդառնա վառ իրադարձություն Աբու Դաբիի խոհարարական օրացույցում։ Տոմսերի նախնական վաճառքն արդեն հասանելի է 85 դիրհամով, մինչեւ հոկտեմբերի 31-ը։ Ընդհանուր մուտքը կարժենա 100 դիրհամ, մինչեւ 12 տարեկան երեխաների համար մուտքն անվճար է։

Աղբյուրը` News.am

Այս թեմայով Մինչև 2040 թվականը Դուբայում, Աբու Դաբիում և Շարժայում 100 միլիոնատերերի թիվը կաճի ավելի քան 150 %-ով Մինչև 2040 թվականը Դուբայում, Աբու Դաբիում և Շարժայում 100 միլիոնատերերի թիվը կաճի ավելի քան 150 %-ով Մինչև 2040 թվականը Դուբայում, Աբու Դաբիում և Շարժայում 100 միլիոնատերերի թիվը կաճի ավելի քան 150 %-ով Վարչապետը տիկնոջ հետ այցելել է Գյուղական կյանքի և ավանդույթների 11-րդ փառատոն «Արմենիա» 8-րդ միջազգային երաժշտական փառատոն. բացահայտել Հայաստանը դասական երաժշտության միջոցով