«Սթրայքբոլի գործով» կալանավոր 18-ամյա Անդրանիկ Չամիչյանի առողջական վիճակը վատթարացել է․ իրավապաշտպան
Իրավունք
«Սթրայքբոլի գործով» կալանավոր 18-ամյա Անդրանիկ Չամիչյանի առողջական վիճակը վատթարացել է։ Այս մասին հայտնում է իրավապաշտպան Ռուբեն Մելիքյանը։
Հիշեցնենք, որ ՀՅԴ անդամ Անդրանիկ Չամիչյանի նկատմամբ քրեական հետապնդում է հարուցվել ահաբեկչություն նախապատրաստելու հոդվածով։ Վերջինիս նկատմամբ որպես խափանման միջոց կիրառվել է կալանքը։
Ավելի վաղ Ռուբեն Մելիքյանը լրագրողների հետ զրույցում հայտնել էր, որ «տղան այնպիսի առողջական խնդիր ունի, որը խոչընդոտ է բանակում ծառայելու համար»։
Քննչական կոմիտեն հուլիսի 10-ին խուզարկություններ էր իրականացրել ՀՅԴ-ական մի խումբ գործիչների տներում։ Խուզարկությունները իրականացվել էին ահաբեկչություն նախապատրաստելու և իշխանությունը բռնի զավթելու հոդվածներով հարուցված քրեական վարույթի շրջանակներում։ Խուզարկությունների արդյունքներով կային ձերբակալվածներ, որոնց թվում էր նաև ՀՀ ԱԺ «Հայաստան» խմբակցության պատգամավոր Գեղամ Մանուկյանի որդին՝ Տարոն Մանուկյանը։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
