Արմեն Գևորգյանին ու ընտանիքի անդամներին հրավիրել են դատախազություն․ «Հետք»
Իրավունք
Ազգային ժողովի «Հայաստան» խմբակցության պատգամավոր, նախկին փոխվարչապետ Արմեն Գևորգյանին և ընտանիքի անդամներին 2025թ․ հուլիսի 24-ին հրավիրել են Գլխավոր դատախազության ապօրինի ծագում ունեցող գույքի բռնագանձման գործերով վարչություն՝ նրանց պատկանող գույքի առնչությամբ իրականացված ուսումնասիրության արդյունքում կազմված ամփոփագրին ծանոթանալու նպատակով։ Հայտնում է «Հետք»-ը։
Պատգամավորից բացի Ապօրինի ծագում ունեցող գույքի բռնագանձման գործերով վարչություն է հրավիրվել նաև Արմեն Գևորգյանի կինը՝ Թամարա Գևորգյանը, (Հախվերդյանը) 19 և 21-ամյա որդիները, անչափահաս դուստրը, հայրն ու մայրը՝ Անդրանիկ և Ժաննա Գևորգյանները։
Նշենք, որ այս փուլում դատախազությունը չի հանրայնացնում, թե ինչ գույք, այդ թվում՝ դրամական միջոց է ցանկանում բռնագանձել։ Պատճառաբանությունն այն է, որ շահագրգիռ անձինք ուսումնասիրության նյութերին ծանոթանալուց հետո կարող են ներկայացնել դիրքորոշումներ, ապացույցներ, ինչը կարող է փոփոխություն առաջացնել բռնագանձման ենթակա ենթադրյալ ապօրինի գույքի ցանկում։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
