Ռուբեն Հակոբյանի ինքնազգացողությունը գիշերը վատացել է, նրան ՔԿՀ-ից տեղափոխել են հիվանդանոց․ ավագանու անդամ

ԱԺ նախկին պատգամավոր Ռուբեն Հակոբյանին անցած գիշեր «Նուբարաշեն» ՔԿՀ-ից տեղափոխել են «Էրեբունի» բժշկական կենտրոն, նրա առողջական վիճակը վատացել է։ Այս մասին հայտնել է Ռուբեն Հակոբյանի որդին՝ Երևանի ավագանու «Մայր Հայաստան» խմբակցության անդամ Սամվել Հակոբյանը։

«Անցած գիշեր իմացա, որ հորս Նուբարաշեն ՔԿՀ-ից տեղափոխում են Էրեբունի բժշկական կենտրոն, իմացա, որ հորս վիճակը վատացել է, շտապ օգնությունով տարել են հիվանդանոց։ Գնացել եմ հիվանդանոց և հնարավորություն ունեցա հորս մեկ վայրկյանով տեսնել, երբ նրան տանում էին մեքենայի մոտ՝ ՔԿՀ վերադարձնելու համար»,– ֆեյսբուքյան ուղիղ եթերում ասել է նա։

Նշենք, որ ԱԺ նախկին պատգամավորը հուլիսի 18–ին ձերբակալվել է 2025 թվականի հուլիսի 1-ին Հ2-ով հարցազրույց տալու ընթացքում «իշխանությունը զավթելուն ուղղված հրապարակային կոչ հնչեցնելու համար»։

Նրան 2 ամսով կալանավորեցին հուլիսի 19–ին։