ԱՄՆ-ն դադարեցրել է ապաստան հայցողների վերաբերյալ որոշումների ընդունումը․ CBS News

Ամերիկայի Միացյալ Նահանգների իշխանությունները ժամանակավորապես դադարեցրել են բոլոր ապաստան հայցողների վերաբերյալ որոշումների ընդունումը։ Պատճառը Սպիտակ տան մոտ Ազգային գվարդիայի երկու ծառայողների վրա հարձակումն է: Այս մասին հայտնում է CBS News-ը:

«Այս քայլը վարչակազմի վերջին փորձն է խստացնելու ամերիկյան ներգաղթային համակարգը», - հայտնել է հեռուստաալիքը:

Նշվում է, որ ԱՄՆ քաղաքացիության և ներգաղթի ծառայությունների ապաստանի հարցերով աշխատակիցներին հանձնարարվել է ձեռնպահ մնալ ապաստանի դիմումները հաստատելուց, մերժելուց կամ փակելուց: