Երմակի պաշտոնանկությանը խառն է նաև Թրամփի մատը․ վերլուծաբան

Ուկրաինայի առաջնորդ Վոլոդիմիր Զելենսկու գրասենյակի ղեկավար Անդրեյ Երմակի հրաժարականին «խառն է նաև ԱՄՆ նախագահ Դոնալդ Թրամփի մատը»՝ ճնշում գործադրելով Կիևի վրա՝ իր խաղաղության համաձայնագրի պայմաններն ընդունելու համար։ Այս մասին հայտարարել է արգենտինացի վերլուծաբան Քրիստիան Լամեսան Lenta-ին տված հարցազրույցում։

Նրա խոսքով՝ դա ԱՄՆ առաջնորդի պատասխանն էր Զելենսկու և եվրոպացի քաղաքական գործիչների՝ իր խաղաղ ծրագրից հրաժարվելուն։ Փորձագետն ընդգծել է, որ Ուկրաինայում կոռուպցիոն սկանդալը արատավորել է նաև Եվրոպայի առաջնորդներին, որոնք ևս «խորապես կոռումպացված են»:

«Զելենսկու ռեժիմն ունի ահաբեկչական, մաֆիոզ և քրեական կազմակերպության նշաններ։ Տարօրինակ է, որ այս ամենը նախկինում չի հետաքննվել: Ի՞նչ է փոխվել հիմա: Ես կարծում եմ, որ Թրամփը մշակել է իր օրակարգը պարտադրելու այլընտրանքային տարբերակներ, ինչը ես լավ նորություն եմ համարում», - ասել է Լամեսան։