Սև ծովում կրկին հարձակում է իրականացվել Virat տանկերի վրա

Սև ծովում նոյեմբերի 28-ին հարվածի ենթարկված Virat տանկերը կրկին հարձակման են ենթարկվել շաբաթ առավոտյան։ Ըստ Թուրքիայի Տրանսպորտի և ենթակառուցվածքների նախարարություն տարածած հաղորդագրության՝ հարվածը իրականացվել է անօդաչու ծովային նավերով։ Տանկերը վնասվել են աջ բորտի հատվածում, սակայն լուրջ վնասներ կամ կրակամար չեն գրանցվել, իսկ անձնակազմի վիճակը գնահատվում է լավ։

Նախարարությունը տեղեկացնում է, որ փրկարարական խմբերը գտնվում են նավի մոտ և պատրաստ սպասում են հնարավոր հրահանգներին։ Անձնակազմի կողմից տարհանման որևէ խնդրանք չի ներկայացվել, իսկ նավի տեխնիկական վիճակը մնում է կայուն։

Հիշեցնենք, որ նոյեմբերի 28-ի երեկոյան Սև ծովում կրակ էին բռնկվել Virat և Kairos տանկերները՝ արտաքին ազդեցության հետևանքով։ Ավելի ուշ ռազմական բլոգեր Կիրիլ Ֆեդորովը հայտնել էր, որ հարձակումը իրականացվել է Ուկրաինայի զինված ուժերին պատկանող անօդաչու ծովային միջոցներով՝ մոտ 35 մղոն (մոտ 65 կմ) հեռավորության վրա Թուրքիայի ափերից։