Երկար դադարից հետո Հենրիխ Մխիթարյանն երկու անգամ մարզվել է թիմի հետ

Հայաստանի ազգային հավաքականի նախկին ավագ, «Ինտերի» կիսապաշտպան Հենրիխ Մխիթարյանն երկու անգամ անընդմեջ մարզվել է թիմի հետ։  Նա վնասվածքի պատճառով արդեն մեկ ամիս է դուրս չէր գալիս խաղադաշտ։ Այս մասին հայտնում է  fcinternews.it կայքը։ 

Sportaran-ը գրում է, որ Մխիթարյանը կհրավիրվի Սերիա A-ի՝ նոյեմբերի 30-ին կայանալիք «Պիզայի» դեմ խաղին։ 36-ամյա հայ ֆուտբոլիստը խաղը կսկսի պահեստայինների նստարանին, բայց կկարողանա խաղալ։

Հենրիխ Մխիթարյանը վնասվածք էր ստացել հոկտեմբերի 25-ին Իտալիայի առաջնության 8-րդ տուրի «Նապոլիի» դեմ խաղում (1:3)՝ փոխարինվելով 32-րդ րոպեին։