Մեսսին համաշխարհային ռեկորդ է սահմանել

«Ինտեր Մայամիի» արգենտինացի հարձակվող Լիոնել Մեսսին գոլային փոխանցումների նոր համաշխարհային ռեկորդ է սահմանել, հաղորդում է Sport-Express-ը։

Ֆուտբոլիստը գոլային փոխանցում է կատարել «Նյու Յորք Սիթիի» դեմ Ֆուտբոլի գլխավոր լիգայի (MLS) գավաթի կիսաեզրափակչում՝ իր կարիերայի գոլային փոխանցումների ընդհանուր թիվը հասցնելով 405-ի, որը մեկով ավելի է, քան լեգենդար հունգարացի Ֆերենց Պուշկաշի ցուցանիշը։ 38-ամյա արգենտինացին նաև MLS-ի փլեյ-օֆֆ փուլում իր գոլային շարքը երկարաձգել է մինչև ութ անընդմեջ խաղ։

Մեսսին այս մրցաշրջանում «Ինտեր Մայամիի» կազմում անցկացրել է 40 խաղ, խփել 38 գոլ և կատարել 22 գոլային փոխանցում։