Քաղաքագետը կանխատեսում է, որ Զելենսկին կարող է լքել Ուկրաինան ընտրություններից հետո

Ուկրաինայի նախագահ Վլադիմիր Զելենսկին, ամենայն հավանականությամբ, չի կարողանա կրկին ընտրվել կամ ստանալ բարձր պաշտոն նոր նախագահի օրոք։ Այդ մասին «Лента.ру»-ին տված մեկնաբանության մեջ ասել է քաղաքական վերլուծաբան Դմիտրի Ժուրավլյովը՝ նշելով, որ Զելենսկին կարող է կամ ղեկավարել իր կուսակցությունը, կամ նույնիսկ լքել երկիրը։

Ժուրավլյովը հիշեցրել է, որ Ուկրաինայի պատմության մեջ միայն Լեոնիդ Կուչման է ընտրվել երկրորդ անգամ, և նույնիսկ նրա երկրորդ ժամկետին հասարակության վերաբերմունքը բացասական էր։ Վերլուծաբանի խոսքով՝ թեև Զելենսկու ներկայիս վարկանիշը բարձր են, պատերազմի պայմաններում բազմաթիվ դժգոհություններ են կուտակվել, և գործող նախագահը, ըստ նրա, ընտրական արշավում հաղթելու շանս չունի։ «Երբ տանը լույս չկա, մարդուն արդեն քիչ է հետաքրքրում՝ ով է մեղավոր», — ասել է նա։

Քաղաքագետը նաև կասկածել է, որ նախկին նախագահը նոր իշխանության շրջանում կարողանա զբաղեցնել որևէ բարձր պաշտոն՝ առանց իր կարգավիճակը նվազեցնելու։ Նրա խոսքով՝ տեսականորեն Զելենսկին կարող է ղեկավարել իր կուսակցությունը, սակայն դրա ազդեցությունը հարցականի տակ է։ «Ավելի հավանական է, որ նա պարզապես լքի երկիրը․ Զելենսկին հարուստ մարդ է, կարող է հանգիստ ապրել, իսկ Եվրոպան նրան չի արտահանձնի», — նշել է Ժուրավլյովը։ Ավելի վաղ հաղորդվել էր, որ Ֆլորիդայում ԱՄՆ և Ուկրաինայի պատվիրակությունների բանակցությունների ընթացքում քննարկվել են նոր ընտրություններն ու տարածքային հարցերը, սակայն անվտանգության երաշխիքների թեման դեռ անորոշ է։