Կրեմլը բացատրել է, թե ինչու Պուտինի գրաֆիկում չկա հանդիպում Չինաստանի ԱԳ նախարարի հետ

Կրեմլի խոսնակ Պեսկովը հայտարարել է, որ Ռուսաստանի նախագահ Վլադիմիր Պուտինի առաջիկա շաբաթվա աշխատանքային գրաֆիկը չափազանց ծանրաբեռնված է, և հանդիպում Չինաստանի արտգործնախարար Վան Իի հետ ներկայումս նախատեսված չէ։ Նրա խոսքով՝ նախագահը կունենա «չափազանց լարված և բարդ» շաբաթ, ինչը թույլ չի տալիս նոր հանդիպումներ ավելացնել ծրագրին։

Պեսկովը հավելել է, որ շաբաթվա երկրորդ կեսին նախատեսվում են Ռուսաստանի և Հնդկաստանի բարձր մակարդակի շփումներ՝ ընդգծելով, որ դրանք արդեն համաձայնեցված են երկկողմ ձևաչափով։ Չնայած ծանր գրաֆիկին՝ Կրեմլը շարունակում է ակտիվ դիվանագիտական աշխատանքը տարածաշրջանային և ռազմավարական ուղղություններով, գրում է Lentu.ru-ն։

Չինաստանի ԱԳ նախարար Wang Yiը նախատեսում է այցելել Մոսկվա՝ մասնակցելու Ռուսաստանի և Չինաստանի միջև անվտանգության հարցերով 20-րդ ռազմավարական խորհրդակցություններին։ Վան Իի այցը կկայանա Ռուսաստանի Անվտանգության խորհրդի քարտուղար Սերգեյ Շոյգուի հրավերով։