ԱՄՆ-Ուկրաինա բանակցությունները դժվար էին և վերաբերում էին տարածքներին․ Axios

Կիրակի օրը ԱՄՆ-ի և Ուկրաինայի միջև բանակցությունները կենտրոնացած էին Ռուսաստանի հետ փաստացի սահմանի սահմանման վրա՝ որպես խաղաղության համաձայնագրի մաս, հաղորդում է Axios-ը՝ հղում անելով երկու ուկրաինացի պաշտոնյաների։

Հրապարակման աղբյուրները հինգժամյա հանդիպումը բնութագրել են` որպես «դժվար» և «լարված», բայց արդյունավետ։

«Ամերիկյան կողմը կիրակի օրվա հանդիպմանը ժամանել է Մայամիի մոտ գտնվող ԱՄՆ հատուկ ներկայացուցիչ Սթիվ Ուիթկոֆի բացառիկ Shell Bay գոլֆի ակումբ՝ տարածքային հարցի շուրջ առաջընթացի հասնելու հույսով, որը Ուիթկոֆը կարող է ներկայացնել Ռուսաստանի նախագահ Վլադիմիր Պուտինին նրանց հանդիպման ժամանակ», - նշվում է հաղորդագրության մեջ։

Մեկ ժամ տևած ընդլայնված բանակցություններից հետո մասնակիցների թիվը կրճատվել է մինչև երեքական պաշտոնյա յուրաքանչյուր կողմից։ Լրատվամիջոցի աղբյուրները հայտնել են, որ տարածքային վերահսկողության գիծը մնացել է գործնականում միակ քննարկվող հարցը։