Զելենսկին՝ ԱՄՆ-ի հետ բանակցություններից հետո մնացած «դժվար կետերի» մասին

Ուկրաինաի նախագահ Վլադիմիր Զելենսկին հայտարարում է, որ Ֆլորիդայում կայացած ուկրաինա-ամերիկյան բանակցություններից հետո դեռ կան «դժվար հարցեր», որոնք անհրաժեշտ է լրացուցիչ մշակել։ Զելենսկին Telegram–ում գրել է, որ հանդիպումը եղել է կառուցողական, սակայն մի շարք բարդ թեմաների շուրջ աշխատանքը շարունակվում է։

Նա նաև նշեց, որ առաջիկայում ուկրաինական պատվիրակությունը կմեկնի Եվրոպա՝ այնտեղ գտնվող գործընկերների հետ քննարկումներ անցկացնելու և ԱՄՆ–ի հետ բանակցությունների արդյունքները ներկայացնելու նպատակով: Քննարկումները վերաբերում են ուկրաինական հակամարտության հետագա քայլերին և Կիևի ու արևմտյան երկրների դիրքորոշումների համաձայնեցմանը։

Ֆլորիդայում տեղի ունեցած հանդիպումը կայացել է սեղմ ձևաչափով՝ սկզբում ընդլայնված կազմով, ապա՝ երեքական պաշտոնյայի մակարդակով։ Կիևի պատվիրակությունը գլխավորել է Ուկրաինայի Անվտանգության և պաշտպանական խորհրդի քարտուղար Ռուստեմ Ումերովը։ Ըստ աղբյուրների, բանակցությունների գլխավոր թեման եղել է ռուս-ուկրաինական պատերազմի ավարտից հետո սահմանների հնարավոր ճշգրտման հարցը, և հանդիպումը անցել է բավական լարված մթնոլորտում։