ԱՄՆ-ում ընդունում են՝ ռուսական Су-57-ը վտանգավոր է ավելի քան Վաշինգտոնը պատրաստ է խոստովանել

Ամերիկյան The National Interest ամսագիրը գրում է, որ ռուսական հինգերորդ սերնդի «Су-57» կործանիչը շատ ավելի ուժեղ և վտանգավոր է, քան ԱՄՆ-ը պատրաստ է հրապարակայնորեն ընդունել։ Հոդվածի հեղինակ Բրենդոն Վայհերթը նշում է, որ թեև ռուսական ինքնաթիռները տեխնոլոգիապես զիջում են ամերիկյան մոդելներին, Су-57-ը ստեղծվել է որպես ինքնատիպ, Ռուսաստանի ռազմավարությանը համապատասխանող մարտական համակարգ, որը իրական մարտերում կարող է լուրջ սպառնալիք ներկայացնել։

Վայհերթի խոսքով՝ Су-57-ը չունի F-22-ի «կլոն» դառնալու նպատակը․ այն հարմարեցված է Ռուսաստանի ռազմավարությանը, որը հիմնված է հակառակորդի ուժերի մաշեցման, հակաօդային պաշտպանության հզոր ցամաքային համակարգերի և ճկուն օդային լուծումների վրա։ Նա ընդգծում է, որ Су-57-ը համալրված է բարձր գաղտնագրայնությամբ, արդիական ավիոնիկայով, արագ ու մանևրող հրթիռներով, ինչպես նաև ռադիոէլեկտրոնային պատերազմի հզոր միջոցներով։ Այս համադրությունը այն դարձնում է «բացի արդյունավետ» ժամանակակից մարտական միջավայրում։

Ամերիկացի վերլուծաբանը հատկապես առանձնացնում է Ռ-73 և Ռ-77Մ դասի հրթիռները, որոնք, ըստ նրա, ունակ են ոչնչացնել ԱՄՆ-ի և ՆԱՏՕ-ի օդային համակարգերի առանցքային օղակները՝ վաղ զգուշացման ինքնաթիռները, օդային վառելիք լիցքավորող ինքնաթիռները և այլ կարևոր թիրախներ։ Վայհերթը զգուշացնում է, որ նման տեխնոլոգիաների զարգացումը ստիպում է ԱՄՆ-ին կրել «հսկայական հավելյալ ծախսեր»՝ փորձելով փոխհատուցել Ռուսաստանի ձեռքբերումները։ Նրա եզրակացությամբ՝ Су-57-ը ներկայիս աշխարհում «ավելի վտանգավոր է, քան Վաշինգտոնում շատերը պատրաստ են ընդունել»։