ՌԴ ԱԳՆ․ ՆԱՏՕ-ի հայտարարությունը Ռուսաստանի վրա կանխարգելիչ հարվածների մասին ուղղված է Ուկրաինայի բանակցությունների խափանմանը

Ռուսաստանի Արտաքին գործերի նախարարության խոսնակ Մարիա Զախարովան կոշտ առձագանքել է ՆԱՏՕ-ի հայտարարությանը, որի համաձայն դաշինքը չի բացառում Ռուսաստանի դեմ կանխարգելիչ հարվածներ։ Նրա խոսքով՝ նման հայտարարությունները դիտավորյալ քայլ են՝ խափանելու Ուկրաինայի շուրջ ընթացող բանակցությունները և թուլացնելու խաղաղ գործընթացի հնարավորությունը։ «Մենք տեսնում ենք թիրախային փորձ՝ վնասելու ջանքերին, որոնք ուղղված են ուկրաինական ճգնաժամից դուրս գալուն»,— ընդգծել է Զախարովան։

Դիվանագետը նշել է, որ ՆԱՏՕ-ն արդեն բացահայտ չի էլ փորձում թաքցնել իր իրական նպատակները, միաժամանակ իրեն թույլ է տալիս մեղադրել Ռուսաստանին «սադրիչ հռետորաբանության» մեջ։ Զախարովայի խոսքով՝ դաշինքը չի ներկայացնում որևէ ապացույց իր մեղադրանքների համար, սակայն շարունակում է հայտարարություններ անել, որոնք միայն խորացնում են լարվածությունը միջազգային ասպարեզում։

ՌԴ ԱԳՆ-ի հայտարարությունը հնչում է այն պահին, երբ տարբեր դիտորդներ նշում են՝ Ուկրաինայի շուրջ բանակցային գործընթացը շարունակում է մնալ խիստ զգայուն։ Մոսկվայի դիրքորոշմամբ՝ ՆԱՏՕ-ի նման հայտարարությունները ոչ միայն հակասում են դիվանագիտական լուծման գաղափարին, այլ նաև թուլացնում են այն վստահությունը, որը անհրաժեշտ է բանակցությունների առաջընթացի համար։